正當崔建邦選擇龜縮避世，中巴卻積極重過正常生活，前晚十一時，她與現年二十歲的男模Sam Sha夜遊旺角，兩人有講有笑，長時間並肩而行，偶爾咬咬耳仔，好不溫馨！
拔足狂奔
二人行經百老滙戲院附近時，中巴發現有記者偷拍，一臉驚慌，不時張望，兩人即時行到離行離列，扮互不認識，記者離遠尾隨，二人不見記者蹤影後又再並肩而行，當記者上前拍照時，Sam竟慌張得拔足狂奔。記者問及慘被男人「撇」的中巴是否與男友行街？她說：「啱啱同成班朋友食完飯。」說罷即封嘴。後來中巴在網誌上留言：「睇完Vivienne Westwood fashion show，同朋友飲嘢，感覺好充實。」
感情空白
記者就中巴與「嫩版崔建邦」夜遊旺角，查詢中巴經理人Frankie，他表示當晚中巴睇完fashion騷後想同朋友飲嘢，同行還有同公司的一男一女model，記者影相的一刻，女model剛剛行去截的士，但他堅拒透露該兩名model的名字！問Frankie是否之前與中巴傳緋聞的星馬公子？他說：「絕對唔係，中巴喺Blog都否認咗，話啲緋聞係虛構，佢好乖，會同公司匯報行蹤，佢依家感情一片空白，全副心機放在工作，絕冇拍拖。」
Sam所屬的Pure Models公司經理人Sunny卻與Frankie所言有出入，對Sam是否正與中巴拍拖？他說：「唔清楚。（Sam有冇喺其他model公司掛單？）Sam係我哋合約model，其他不便回應。（佢點識中巴？）以我所知，佢哋冇合作過，但Sam由加拿大返嚟，可能性格主動，容易結識朋友。」
對中巴火速搭上新歡，崔建邦的前度女友唐詩詠顯得漠不關心，她在電話中說：「唔關我事喎。（佢咁快有新男友，羨唔羨慕？）吓，真係唔關我事。（係咪唔想提起佢？）我都唔知點解要提！（你有冇新戀情？）我冇，專心事業。」又說最近沒有與崔建邦聯絡。
文：影視組