陳淑蘭：「我自知飲醉個樣唔見得人，所以我最近已搵埋朋友返屋企一齊飲，有朋友喺身邊，我就唔驚出事啦。（點樣幫醉酒朋友？）如果佢醉到打交，就一定捉住佢，但有啲控制唔到，我就選擇冇義氣，一走了之，不過我都會同佢講聲，等佢知道要自己顧自己。」

鍾蕙芝：「我覺得去酒吧飲酒一定要適可而止，如果我見到朋友飲太多，我會叫佢量力而為，因為醉咗真係唔知自己會做乜，我會建議朋友飲雜果賓治。」

謝天華：「如果我醉酒，就會諗住返屋企，因為我每次飲酒前，都會set定一個界限，一到high high哋，我就會搭的士返屋企。（朋友醉又會點幫佢？）如果見個朋友唔開心，咪盡量同佢傾吓，叫佢唔好用酒麻醉自己。」

鍾蕙芝會勸朋友飲非酒類飲品。

曾犯醉駕的謝天華，飲酒後會搭的士回家。