曾參加「十人巷」比賽的樂壇新人成峻（Isaac），今年將全力出擊，走唱作歌手路線，雖然在「十」比賽中未有任何獎項，但他覺得獲益良多，更獲校長譚詠麟賜教，他說：「嗰集校長做嘉賓，佢就話我震音太多，我本來對唱歌最有自信，點知出事，（打擊自信？）初時都有㗎，之後諗番佢係教我，袋錢落我袋。」
由於曾在上海戲劇學院畢業，Isaac表示公司將安排他拍戲。問可有感到壓力？他說：「唔係太大壓力，只要畀心機去做，一定會有人欣賞。喺內地發展四、五年，演電視劇多，（最難忘做咩角色？）扮演香港臥底，當中有好多內心戲，我覺得好有發揮同挑戰性。」
