中國人興趁新年時拜神，連四位美味天使都湊熱鬧，冒住嚴寒穿背心短裙拜四面佛，希望以性感裝扮吸引神明，令出碟願望盡快成真。
美味天使的「藍莓」劉俐、「柑桔」陳蕊蕊、「香蕉」王淑玲及「蜜瓜」關婉珊，拉隊到荃灣拜四面佛，雖然她們誠心拜佛，但烏龍百出。本來衣着密實的她們當知道性感靚女較易得到保佑，即時脫去外套，冒着只約十度的低溫，騷胸露腿吸引四面佛，望早日心想事成。
當中以陳蕊蕊的衣着最為性感，穿貼身小背心及超迷你傘裙，但劉俐卻一身冬裝到場，她說：「我着到黑沉沉咁，希望四面佛都留意到我啦！」
點樣拜都唔知
不過，她們連拜佛的方向亦未弄清楚，王淑玲說：「去年9月喺泰國拜過，之前係順時針咁拜，但今次係逆時針。」那裏的工作人員表示狄波拉一直都以逆時針拜佛而大紅大紫，不熟悉習俗的她們當然乖乖地聽從指示。
美味天使拜佛都是為了進軍樂壇，王淑玲說：「我哋四個嚟緊會出碟，希望可以快啲成事，好嘅嘢接踵而來，唔好嘅嘢就遠離。」她們正積極準備創作，陳蕊蕊表示：「想寫多啲好歌，依家寫咗隻快歌，係圍繞年青少艾嘅諗法，而關婉珊就寫咗首慢歌。」
劉俐多謝監製
至於劉俐及關婉珊的願望都是關於工作，劉俐更多謝監製錢國偉（Wilson）：「好多謝有美味天使呢個身份，雖然少咗時間陪屋企人及朋友，不過學咗好多嘢，多謝Wilson，希望新一年工作有進步，都想有愛情，但事業重要啲。」
文、攝：專案組