曾為無綫音樂節目擔任主持的何基佑，最近愛上將自己的短片放在YouTube上，讓網友知道他的近況，當中包括一些搞笑事，他表示：「曾經有一條短片係我講睇醫生，早前我去廁所，發現大便有啲血，因為我屋企人有過腸癌，所以咪即刻去睇醫生，點知醫生話佢嗰度有得照內窺鏡，仲叫我即刻照，當時真係冇心理準備，結果驗咗五分鐘，搞掂之後，個感覺好古怪，行路亦要就住，十足十企鵝咁，最後檢驗結果係我生痔瘡，唔係腸癌。」