經常以平底鞋、波鞋及拖鞋示人的Leila，原來對高跟鞋一樣甚為喜愛，不過由於大部分「身家」都花在養狗上，所以Leila笑言自己根本沒有閒錢買高跟鞋：「我好記得漫畫《流星花園》裏面嘅一句對白，一對靚嘅高跟鞋，可以帶你去到好遠嘅地方，我覺得呢句說話好浪漫，我亦都好認同！高跟鞋除咗款要靚之外，我覺得着得舒服都好緊要，尤其對於我哋呢啲由朝到晚都要行嚟行去拍戲嘅演員，一對舒服嘅高跟鞋就更加重要喇！相信各位女士都明白，一對靚嘅高跟鞋閒閒哋千幾銀，我就真係唔捨得買喇，但依家有咗免費贊助，就可以盡情咁着喇。」

貪玩的唐寧拿着高跟鞋扮電話。	唐寧日前到贊助商的貨倉瘋狂掃走廿多對高跟鞋。	唐寧平時將大部分「身家」都花在養狗上。（資料圖片）

學女性化步姿

由於Leila從未試過一次過擁有如此多高跟鞋，故此她挑選時表現得非常雀躍，除了不時抱住高跟鞋合照外，還拿起其中一隻扮電話，逗得經理人忍俊不禁，Leila還笑言要借「高跟鞋」反擊之前被指「佬」味太濃的報道：「之前有記者話我成個佬咁嘅款！其實話我份人隨意或者易話為會好聽啲咯！為咗一雪前恥、證明我有女性化嘅一面，我決定從今之後要着多啲高跟鞋，同埋我會好好學吓女性化嘅步姿，等啲人對我另眼相看，哈哈！」

文：影視組