新進組合Jelly Girls的十一位成員各有專長，自小習舞的ToTo在隊中兼任跳舞老師，她說：「我本身都有教跳舞，自細學Jazz、芭蕾舞，而父母就教社交舞。」要在十一位靚女中突圍而出，ToTo認為敢言最重要：「我係勇於發言嗰個，主張溝通，唔好畀人遮住。」
專注事業的ToTo今年要單拖過情人節，愛浪漫的她恨收到朱古力，而自己則愛送實用禮物：「以前收過心意板，自己都整過，知道要用好多時間剪貼，所以好鍾意呢份禮物，不過我就會送電視機、遊戲機，仲差啲送埋微波爐，我主張送實際嘅嘢，所以會將心思嘢同實用嘢一次過送。」
