「四葉女」李思欣之前與友人到日本旅行，她表示近五年除了工作需要外，都未試過正式出外旅遊，輕鬆一番。思欣謂：「其實咁大個女我都未試過同朋友去旅行，之前去親日本都係幫公司拍旅遊特輯，今次純粹係休息啫！」
通常女仔去日本，都會大出血掃貨，不過思欣今次最肉痛的，反而是搭的士。她笑言：「我都係用咗萬幾蚊，不過最貴係搭的士，我搭凌晨機，去到已經朝早，咪由羽田機場搭的士去新宿囉！點知一搭就搭咗港幣千幾蚊，我起初以為五百蚊就OK添！以前去親東京都係做嘢，有車接送，今次第一次搭車就擺烏龍。」思欣表示自己買衫都可以忍手，不過見到鞋靚，都買了六對，更買了一新篋返港呢！
