亞姐Belinda以往到台灣都與公事有關，難得今次放假，抵達台北即急不及待到通化、士林兩大夜市見識，感覺是名不虛傳，還瘋狂盡試地道小食及五花八門的小玩意，她開心的說：「簡直叫人眼花繚亂，今次喺台灣嘅五日四夜，我個嘴巴同胃都冇停過，呢度超級美味嘅珍珠奶茶、蜂蜜苦瓜汁同麻辣火鍋，到依家都回味無窮。」

咁長嘅雪糕，你見過未？	浪漫的下午茶，十分回味。	麻辣火鍋，諗起仲流口水。

想賞櫻花慶生

充過電，Belinda回來馬上策劃下一次的旅行目的地，她希望去不同的地方，拓闊視野，令她的人生變得更充實美麗，至於下一站，Belinda說：「下次好希望可以喺三月尾去日本睇櫻花，聽朋友講日本三月嘅櫻花最靚，一生人起碼要去睇一次，而且我可以順便慶祝埋生日，不過依家日圓高企，真係要儲足『彈藥』至可以成行，今年未必可以如願。而另一個想去嘅地方係馬爾代夫，嗰度風景好靚，感覺又好浪漫，係同男友去嘅好地方。」

搶先掌握資訊

目前正主持《時尚生活Guide》的Belinda，不時介紹最新的生活潮流玩物，她笑言可第一時間掌握時裝、美食、娛樂等資訊，獲益不少，她亦感覺主持工作十分適合自己。

文：影視組