「味之天使」鄭瑩瑩除了拍劇及做模特兒外，最近亦忙於替中小學生補習，她說：「上年暑假同朋友夾錢頂咗朋友間補習社嚟做，除負責管理外，仲要一腳踢做埋Miss教學生，所以都幾忙！」不過，港姐出身的瑩瑩早就被一班精靈學生認出：「佢哋話『Miss，好似喺邊度見到你嘅？』我初時唔想影響老師形象，呃佢哋話做藝人嗰個係我孖生細妹，結果都畀佢哋踢爆咗！」
瑩瑩又指學生們會要求她在手冊上簽名，非常搞笑！她說：「我上堂好嚴，唔會同佢哋玩，不過有時都會同佢哋輕鬆吓，好似啱啱聖誕節就為佢哋開咗個Party，大家玩得好癲！」
