前E-Kids成員阮民安（Tommy）早前與林雪及MC Jin三人齊Rap新歌《男士托》，Tommy說：「雖然林雪冇學過唱歌，而且佢仲錄咗啲大陸口音，但我覺得個效果一定好爆，邊個話唔識唱歌唔可以唱。」而這正是他歌詞的意思。
最近Tommy自資開了一間製作公司，首嘗CEO滋味，但他笑言自己只是「高級打雜」，並認真地說：「好耐之前已經有好多Idea想試，依家覺得真係要實踐，唔係Hea吓Hea吓就一世。今次除咗林雪幫手，連碟嘅封面都搵埋模Ceci（顏后君）畫插畫。（點解用插畫？）冇時間影相喎，講笑，其實之前見過Ceci啲畫，覺得好有個人風格，襯晒隻歌，而且人哋都會認為我哋係有心認真製作。」
