樂隊RubberBand在剛過去三個頒獎禮都大豐收，他們直言比預期喜出望外。主音6號說：「我哋一直默默耕耘，等極都未輪到我哋咁，所以連奪幾個獎感覺好好，好開心！」他們跟Mr.、Dear Jane、農夫及Kolor等感情要好，不會視大家為競爭對手。6號謂：「鬥嚟做乜？我哋好friends，只希望大家都好。一早講好邊個得獎就邊個請食飯，其實都係搵個藉口出嚟聚吓，吐苦水傾吓偈。」
日前RubberBand應邀到澳門舉行迷你音樂會，吸引大批觀眾捧場，歌迷情緒高漲不斷尖叫，RubberBand亦愈唱愈high。6號說：「無論大場細場我哋都好珍惜每次演唱機會。」
