忙於籌備各地巡迴演唱會的Karen非常忙碌，但感情生活冰封了兩年。處於愛情空白期的Karen自嘲：「冇人追，自己太工作狂，可能有人追自己忽略咗都唔知。」早前她與貌似電影《變形金剛》男主角沙拉保夫的老外約會，Karen笑言對方只是其中一個朋友，並非大家想像的約會。她說：「我從來都冇限定男朋友係咩國籍，只要人品好，大家夾到先最重要。」回望過去幾段刻骨銘心的戀情，Karen揚言不再刻意尋找愛情，就算遇上心儀對象亦不會採取主動，她謂：「緣分要發生就會發生㗎啦！」

Karen擇偶條件不分國籍，人品好、相處融洽便足夠。

早前Karen被拍得與「翻版沙拉保夫」約會。

改變主意出CD

Karen於內地推出數碼唱片十分成功，令原本不打算出CD的她最終改變主意。Karen表示因當時是自由身沒有合約，剛巧有機會透過數碼形式出碟便一試。她謂：「一路都想搵新嘅音樂平台，人哋未做過嘅嘢，我梗係想試。而且中國地方咁大，未必所有地方都有唱片賣，但用手機同電腦平台賣歌就方便好多。後來到我加盟咗環球，唱片公司就提議推出限量版CD，始終香港人習慣買唱片，就算我自己都鍾意買碟，感覺有嘢揸手。」

一向打扮性感型格的Karen，笑言女孩子通常都喜歡蝴蝶或心心圖案，但太可愛和她真的格格不入，於是設計師便以星星圖案作為其新碟《回蔚》主題。問到是否寓意散發巨星光芒？Karen即言：「唔係啦，巨星應該係人哋講，唔係自己話就得，星星係襯自己。」

齊秦個唱嘉賓

此外，Karen日前專程飛北京出席當地公安交管局的春節晚會，同場還有成龍及韓紅等。而她將於明日擔任齊秦在北京舉行的演唱會嘉賓，她說：「我哋好早已經認識，私底下經常有聯絡。」

文：音樂組　攝：劉智源

髮型：Carr@P.O.P. hairdressing

化妝：Kerry Wong@Zing the makeup school

服裝：Anteprima

場地：馬可孛羅太子酒店