古仔與吳君如、鄭中基、夏春秋及田蕊妮等合拍賀歲片《花田囍事2010》，其中一幕古仔化身「搞笑版葉問」，在擂台上一個打十個，功夫媲美甄子丹！談到自創的「招式」，古仔笑謂：「一接套戲，老闆黃百鳴就同我講明要大打兩日，我當時諗『點打呀，你估我係甄子丹咩？』諗嚟諗去，我決定將招式加以變化，打到好似幫人揼骨咁，出嚟效果都唔錯。」雖然動作場面純粹搞笑，但古仔坦言亦有計劃開新戲路：「自己冇功夫根柢，講緊嘅都係多啲動作啫。」

冬叔爆肚笑唔停

在鏡頭前古仔奉旨大放笑彈，鏡頭後他同樣被逗得捧腹大笑，原來是遇上「冷面笑匠」夏春秋。古仔透露：「我同冬叔（夏春秋）好多對手戲，估唔到呢位老人家好精靈，又鍾意爆肚，好似有場戲講我用『凌波微步』趕住返去見母后（古仔扮演皇帝），點知原本跟喺後面嘅冬叔竟然快過我抵埗，我問佢用咩招式趕路，佢答：『你用凌波微步呀？我咪飯後散步囉！』當堂笑到我捧住個肚。」

由於去年已與一眾演員合作過《家有囍事2009》，今次再合作默契漸見，古仔更自爆拍攝期間出現「演員自行夾期」的趣事：「大家都好忙，等唔切工作人員度期出通告，所以君如佢哋會自己打畀我，大家夾時間拍邊個戲份先、邊個幾時趕嚟會合，感覺好似家人咁。」

文：影視組