鄧萃雯前晚特意抽空亮相Vivienne Westwood春夏2010時裝展，雯女以一襲該品牌的連身裙上陣，明艷照人，其感情生活向來備受關注，被問到情人節有否約會時，她回應時表現風騷：「未知呀，唔話你聽，係同喜歡嘅人一齊過。」不過當被問到男主角是誰，她即大賣關子：「係邊個就唔知喇，一定同屋企人啦。」
被問到會否帶男朋友返屋企拜年，她顯得煞有介事：「我冇講嘢喎，只係同所愛嘅人過，到時睇吓係咪真係有情人趕得切一齊過啦。」雯女愈說愈多：「大家畀啲空間我發展，如果唔係佢一腳踏出門口就被嚇親。」說罷再風騷補飛謂誠徵大膽勇敢不怕狗仔隊的男士呢。
