英國品牌VW前晚假會展舉行春夏2010時裝展，一次過展出品牌旗下的Gold Label、Man、Anglomania三個系列，請來大批模特兒行騷，包括打頭陣及壓軸出場的劉丹、馬詩慧大女王曼喜、黃偉文（Wyman）、Jessica C.、陳碧舸等，創作總監Andreas Kronthaler首次來港主持盛事，場面熱鬧。

贊成超盈早婚

單身貴族的超雲以VW連身裙亮相，自評打扮攞85分。席間，她大方回應超盈畢業後結婚一事，她說：「OK㗎，佢哋拍咗咁耐拖。」對於被超盈爬頭結婚，她表示不介意並支持，而自己則無意早婚：「我唔想咁早，三十歲之後先考慮，唔想咁容易停低，結婚係好嚴肅嘅事。」何家淑女唔憂嫁，但未畢業已為未來事業鋪路，留學英國的超雲，透露明年大學畢業後轉讀時裝設計，並已接觸了英國著名時裝學府Central Saint Martins，她說：「已經Approach緊，想轉讀Design，爹哋支持我讀自己鍾意嘅科目。」超雲坦言希望能夠與Andreas合作，難怪她在活動上已爭取機會與對方傾偈偷師。

超雲支持超盈（左）畢業後結婚。

江若琳亦有亮相欣賞時裝展。

Wyman處男行騷

完騷後，Andreas聯同處男行騷的Wyman一同謝幕。Wyman表示是次行騷揭破許多時裝內幕，不過就無緣看盡後台春光：「因為得到一間VIP房換衫。」難怪他笑言被激親。此外，他表示獲Andreas特別為他準備新衫行騷，他續說：「佢畀兩套勁衫我，其中一條係芭蕾舞褲，好彩我有斗篷，可以用手㩒住。」說罷，Wyman透露為了巴黎時裝周，稍後需要坐夜機到當地。

Andreas欽點黃偉文一同謝幕。	VW邀來大批模特兒行騷。	劉丹以三點式泳衣壓軸登場，大賣性感。
放大圖片	王曼喜首次行騷，媽咪馬詩慧大讚淡定。

文：名人組