女子組合HotCha今個農曆新年前即將放大假，吸取過去年經驗，她們決定新年前出埠旅行，她們說：「舊年我哋同公司申請新年放假旅行，點知要捱貴價機票同團費，價錢相差三倍，所以今年決定提早放假。」成員Regen已計劃先跟家人到台灣暢遊，之後再相約友人到韓國或泰國玩個痛快。
Regen自演出無綫劇集《五味人生》後，知名度也提高了，她笑言：「多咗年紀大少少嘅觀眾認得自己，出街又會有人叫我利是妹劇中個名，拍劇真係好入屋，安仔（郭晉安）、米雪佢哋又好照顧我，拍得好開心。」兩位好拍檔都有去探Regen班，Winkie及Crystal坦言有機會也希望拍電視劇吸收經驗。今年HotCha更希望舉行一個跳舞音樂會，她們說：「最想同啲跳舞組合crossover，相信會好熱鬧好玩。」