江美儀早前與前輩電影人張國柱合作，拍攝電影《酒徒》，片中飾演張國柱甚心儀的女子，因故事背景為六十年代，所以江美儀需要穿旗袍上陣，身形一向甚Fit的她，當然不怕肥肉現形，反而十分怕凍，她表示：「因為拍嘅時候得十度左右，又唔可以黐暖包，只着住件羊毛背心，真係凍得好緊要，惟有一Cut機，即刻披番件羽絨。（同張國柱合作，感覺如何？）好開心呀，佢好好人、好親切，我覺得佢比起張震更有男人味。」

江美儀的身形不比身旁模特兒公仔遜色，在片中更是張國柱（右）心儀的女子。	張震	江美儀捱冷拍劇，結果病足兩星期。

毋須裝假狗

穿上旗袍的美儀，身材十分玲瓏浮凸，問她可有做手腳加墊？美儀笑言：「冇，因為度身訂造，所以好Fit我嘅身形，好易着得靚，我都好鍾意啲旗袍！（既然係度身訂造，有冇叫電影公司送畀你？）有呀，製片都應承咗，呢套戲總共有五至六套旗袍，有一套仲未着過添！」

病足兩星期

拍攝《酒》片期間，美儀還正忙着拍攝三套無綫電視劇，加上拍該片時經常捱凍，結果捱出病來，美儀表示：「其實一路都有少少唔舒服，捱捱吓變咗大病，發燒同咳得好厲害，最後要休息番兩個禮拜，先至好得番。」

加入無綫之後，劇集一部接一部，美儀直言很感謝TVB（無綫）給她機會，跟同事合作亦十分開心。

文：影視組