本文重點
諸葛梓岐、林子聰（肥仔聰）以及童星譚真一昨日於沙田圍拍攝港台劇集，戲中梓岐與肥仔聰飾演真一父母，首次當「母親」的梓岐深得真一歡心，真一不時跟梓岐攬攬錫錫，反觀肥仔聰卻經常被真一作弄，拍照時被對方用手遮着臉龐，令他哭笑不得！
戲中真一需要拉小提琴，曾學過小提琴的梓岐在埋位前耐心在旁教導，不過因真一學得不好，拉小提琴像劏雞一樣，故他不用拍攝時邊拉着小提琴邊大呼「劏雞」、「劏雞」，逗得梓岐及肥仔聰笑不攏嘴。
拍床上戲硬軚
面對如此活潑的小演員，肥仔聰笑言沒有令他有結婚生仔的衝動，反而有點怕怕，他表示：「始終小朋友好活躍，我唔係咁有耐性去陪佢哋，加上我妹妹有一仔一女，令我明白到湊小朋友嘅辛苦，遲啲先諗。」
梓岐則大讚真一非常可愛，更獲對方讚她真人靚過上鏡，氹得梓岐笑指「好冧」！首次拍劇的她獲肥仔聰讚有喜劇天分，不過拍「床上戲」時就「硬晒軚」，原來梓岐跟肥仔聰有一場瞓在床上談天的戲份，可惜因對白大長令梓岐表現緊張。
文：影視組