近日緋聞不絕的Angelababy（楊穎），分別與日本男星中村獅童、房祖名、avex老闆傳出緋聞，自嘲桃花旺盛。另一邊廂，傳已與她分手的陳偉霆（William）則在電台節目大爆十九歲「失身」，對象更被推測正是Baby。
前晚Baby首次擔任香港時裝周「青年時裝設計家創作表演賽2010」的司儀，心情緊張，自覺做司儀比拍戲和行騷難很多，更自踩沒有做司儀天分。幾日前已收到講稿的她，綵排時仍然讀錯字，幸好有專業拍檔無綫藝人陳智燊，幫助她不少，自評司儀表現只有八十分。
一張相做文章
對於近日的多段緋聞包括咀女及與幾名男士傳緋聞，Baby重申全部冇可能：「傳我同個女仔咀嘴可能係角度問題，我都唔係鍾意女仔，如果好朋友錫嘴都可以接受。（又傳男又傳女好旺桃花？）係啦，傳男都明白，傳女就唔知點解，之前喺日本做嘢影咗張相，相中人有中村獅童、房祖名同avex老闆，結果全部都寫係我男友，傳媒好似想畀個緋聞男友我。」她又否認與William轉地下情，指二人一直是朋友，但已好耐冇見。Baby又說不考慮與外國人拍拖，想不想與偶像周杰倫傳緋聞？她笑言：「我唔想做Jay女郎，現在想專注工作先。」
不怕有損形象
另方面，William與MC Jin（歐陽靖）及林盛斌（Bob）為無綫J2台主持清談節目《兄弟幫》，三個男人談性說愛，更大膽講第一次，William直認十九歲失身：「我話未有第一次自己都唔信，大家都會驚啦！我哋配合節目嘅內容，有時話題會講下性愛、溝女秘訣，咁樣至可以同年輕人近啲距離。」他不怕破壞形象，認為很有教育意義，可以透過分享給年輕人帶出正面訊息。由於他當年已與Baby拍拖，所以其「失身」對象極可能就是Baby。
文：名人組