鍾欣桐（阿嬌）近日被指以短訊及電郵相片「追求」黃婉佩（Race）男友，令Race打爛醋埕，原來杜汶澤及阿嬌經理人霍汶希（Mani）都收過阿嬌send的相片及短訊，只是阿嬌愛將喜悅與人分享而已。
昨日有報道指阿嬌在拍攝英皇電影《前度》時向Race男友send短訊及電郵個人照片給對方，令Race這位「正印」打爛醋埕，據知，Race男友亦曾send SMS追求阿嬌。
而身為電影《前度》監製的杜汶澤（阿澤）亦表示曾收過阿嬌的短訊和相片，他說：「阿嬌成日周圍影相，我都有收過佢嘅相，亦唔覺佢同Race男友有啲咩！」
過分熱情
至於阿嬌經理人Mani接受本報電話訪問時則表示：「感情問題就由Race同男友自己處理，唔想阿嬌牽涉在內，如果阿嬌有乜令Race誤會，我會勸喻阿嬌對異性唔好太熱情，要收斂吓，唔好惹起誤會！」Mani又謂不排除阿嬌有send短訊給Race男友，但就力撐阿嬌只是拿相片跟其他人分享。
今日牛一
昨日妒火中燒的Race表示：「我一早同男朋友講咗，如果我哋兩個都有人追，就一定要同對方講，我男友好乖，主動同我講話有女仔send啲短訊同自己啲相畀佢，又畀晒啲短訊同e-mail我睇，我仲有佢password添！」據知Race近日與男友冷戰，因而藉今次事件向男友施壓，阿嬌無辜辜被人擺上枱，成了出氣袋。
此外，今天是阿嬌正日生日，早前過百歌迷便跟阿嬌提早慶祝，並送上金咪、電影拍板及大批米奇老鼠禮物給壽星女，令阿嬌十分感動。
文：音樂組