今屆金像獎播映權由亞視轉播，亞洲高層揚言歡迎無綫親生仔謝天華亮相，當天華被問及一事時，他表示：「希望大家針對件事，唔好針對邊個台，香港金像獎係屬於香港，唔係個別公司嘅事，我作為影視界一分子，一定會出席同支持，志在參與，無夾雜其他因素。」
另外，曾志偉昨於君悅酒店為英超球隊伯明翰與服裝品牌特步的合作簽約儀式擔任司儀。志偉再任演藝人協會會長，他覺得以往演藝人協會太保守，希望能增加透明度及為會員舉辦演戲講座，他說：「阿倫唔做咪我做，下屆就畀啲年輕人上。」
對於亞視奪得金像獎頒獎禮轉播權，問志偉會否令今年有機會獲提名的無綫藝人如謝天華、陳法拉感到身份尷尬？志偉說：「未開會，呢啲等金像獎嗰邊公布啦，以前都試過唔係無綫播，電影人有電影人嘅身份，睇吓公司嘅反應，要再了解吓。」
志偉對於有人提議取消傳媒大獎？他說：「唔頒都無可厚非，有缺席就唔完善，唔好勉強。」問到志偉對於有四套電影將會以關公為題材？他說：「唔好搶拍囉，鬥快拍一定拍得唔好。」
陳法拉對於金像獎在亞視轉播一事，則表示當頒獎禮舉行期間，她將會拍劇中，未知公司會怎安排，總之一切聽從公司，若果有提名，亦會尊重大會。