前晚何超盈以一襲度身訂造的Moiselle連身短裙，現身香港時裝周「Moiselle春夏2010」時裝騷，力撐品牌太子仔兼好友陳栢熹，獨自出席的她，透露男友已離港繼續學業，年初一情人節當天或會返港。有傳何超蓮指何家有性規條，超盈表示並不知情，但四太亦有一定家規，她說：「媽咪話過唔可以帶陌生男仔返屋企，唔可以喺朋友屋企過夜，呢啲係媽畀我嘅，唔知超蓮係咪呢啲。」

曾愷玹專程來港睇騷，透露將與范植偉合作拍戲。	關心妍（中）單拖出席，捧Moiselle老闆陳欽杰及老闆娘場。	Moiselle太子仔陳栢熹（右四）與眾model出場致謝。

26歲着婚紗靚

超盈說拍拖必須得父母同意，而Greg是她第一個承認的男友，是Mr Right，她承認賭王對Greg感滿意，還自爆：「爹哋同三太講過，話我有個好好嘅男仔，畢咗業就會結婚㗎啦！連我都唔知㗎，我有同男友講，佢都好驚訝，（何生當Greg係準女婿？）媽咪都係，有次食飯，媽咪同我哋講想做婆婆，搞到好尷尬，不過我都有諗過畢業後，26歲前結婚，着婚紗靚啲，早啲生ＢＢ，唔會有代溝。」她亦希望賭王在農曆新年前出院，但要由醫生決定。

四太唔使激氣

前晚出席的嘉賓有謝婷婷、曾愷玹、關心妍、林莉、Rosemary、汪詩詩和楊恭如等，曾愷玹專程來港出席時裝騷，透露將與范植偉合作拍戲，並有咀戲，她大讚對方有特別氣質。

而四太梁安琪對在飯枱上的「恨做婆婆」言論，昨日在電話中不置可否，表示待超盈成熟一點才結婚，她大讚Greg很好，對她與賭王也很好，非常不錯，問超盈跟Greg拍拖後是否激少了她，四太笑說：「係囉！可以激第二個，唔使激我。」

文：名人組