子淇昨日身穿黑金色tube dress，出席珠寶品牌的澳門旗艦店開幕，其父徐傳順在該品牌任副董事長，父女檔一於拍住上，子淇更以「智行基金會」慈善大使身份，代表接受品牌捐出的50萬善款，大會同時宣布子淇稍後會為品牌設計名為「幸福女人」系列的珠寶，部分收益將撥捐智行基金會。

徐子淇父母	徐子淇扮到靚靚出席活動，一為慈善，二為支持父親。	廖碧兒早前忙拍打戲，自言甚少如此女性化。

幸福女人有煩惱

子淇身上價值480萬元的首飾專誠為是次活動而買；她說早前與兩名囡囡及老公李家誠到美國滑雪旅行，老爺沒有「呷醋」，大讚老爺開通，幸福不言而喻。不過，「幸福女人」也有煩惱，子淇說：「老公試過送公元前150年嘅古董石頭頸鏈畀我做生日禮物氹我開心，點知我一打開首飾盒已經好頭痛，最終要老公退回頸鏈；後來我至知嗰條頸鏈原來係有錢人嘅陪葬品，即時嚇咗一跳，仲連續發咗三晚噩夢，我係鍾意舊首飾，但幾廿年就得，唔使咁舊……。」

唔教囡囡識鑽石

子淇又說不會讓囡囡成年前佩戴首飾，因不想她們年紀小小便貪靚；這位富貴媽咪說：「我從未教過女兒Diamond（鑽石）係乜意思，有一日發現囡囡不斷講Diamond，後來至知道係工人『教壞』佢！依家我買首飾，有時都會諗留畀兩個女，希望下一個係可以留畀個仔嘅老婆。」恨仔之情講到出口！

同場現身的廖碧兒則為活動擔任剪綵嘉賓，身上贊助首飾共值300多萬，並說昨日自己難得一見「女性化」。