張敬軒和謝安琪（Kay）昨日出席「饑饉三十」活動，戴口罩現身的軒仔指經理人公司晚宴後翌日即失聲，可能說話和工作多，令聲帶出血。談到當晚以廣東話接受有線訪問後，旋即在Blog上向TVB道歉，軒仔解釋：「嗰晚陳志雲、樂易玲（TVB高層）都喺度，做完訪問後，樂小姐即刻收到傳媒電話，佢問我點算？自己嘅宣傳行為替嘉賓帶嚟不便，我覺得唔可以私下電話道歉就算，人哋係有頭有面嘅高層，唔應該令人難堪。」
對於李克勤堅持用國語受訪，軒仔表示：「每個人處事有唔同顧慮，李生有幾年少出唱片，無綫畀好多機會佢，做人要飲水思源，李生做法冇問題，值得後輩學習，自己係新一輩歌手要跟公司指示。」軒仔和Kay昨日繼續用廣東話接受有線訪問，有線更手拿「娛樂新聞台」咪牌落無綫面。
此外，有報道指HKRIA歌手不能亮相無綫，令廣告商和商場騷減少搵他們工作，Kay否認：「冇乜大影響，so far自己仲好多嘢做，多謝廣告商同客戶支持。」