由東方日報慈善基金、太陽報愛心基金及保良局合辦的「關懷長者心」地區安老服務計劃，昨日舉行探訪活動，詩雅、陳家樂、保良局前主席陳小寶和總理陳細潔到白田長者屋為清貧長者送上關懷與祝福，詩雅和家樂除派送愛心禮物包給長者外，又協助長者量度血壓，幫他們着褸，小心攙扶出入，表現細心。

之後他們又往探訪長者屋的獨居婆婆，見到有婆婆的飯煲用了20年、電風扇用了50年，令他們十分驚訝，家樂感慨說：「婆婆好知足，唔需要太多物質，只係想要有人嚟探訪。」詩雅亦說：「佢哋啲電器保養得好好，值得我哋好好學習。」

詩雅和陳家樂協助長者量血壓。

（左起）陳家樂和陳小寶、（右起）詩雅和陳細潔齊為清貧長者送祝福。

同嫲嫲感情好

另外，原來詩雅與嫲嫲感情要好，她說：「嫲嫲身體幾好，我每個月同佢飲幾次茶，自己考車牌都係為咗可以車嫲嫲去飲茶，不過初時嫲嫲唔放心，佢話不如坐的士，所以我每次車嫲嫲都慢駛。」而家樂自小由嫲嫲湊大，感情比父母更親密：「讀幼稚園時因為自己懶床，每次都係嫲嫲孭我返學校，一直孭到高班，依家嫲嫲差唔多70歲，我覺得佢比我仲細路仔，鍾意坐喺床上面食薯片睇電視，佢仲鍾意攞我啲帽戴。」

採訪：音樂組