與台灣音樂才子陶喆傳緋聞後，22歲美味天使岑潔儀人氣勁升，但人紅卻是非多，早前Zoey報稱收到帶有恐嚇成分的電話短訊。而日前本報又接獲讀者PP爆料指有岑潔儀的手機相片。相中一名疑似是岑潔儀的女子與男友赤裸半身躺在床上，隱約見到一張被遮掩胸前，而男友熱情地攬住女方深情一吻，疑似Zoey陶醉得緊閉雙眼。

自稱唔影床照

記者向Zoey求證時，她在電話中反應甚大說：「吓？唔係呀嘛，我唔會影，梗係有人惡作劇。」其後她思量一會再說：「冇可能，我呢幾年都係得一個男友，應該唔會發生呢啲事，除非係再之前一個。但最多都係去生日派對攬下或錫面珠，呢啲都好正常。」

可能係造型相

Zoey稱不排除是自己最近得罪人故被整蠱，她解釋：「我知自己得罪邊個，但其實真係好小事，唔明點解要搞呢啲小動作。之前收到恐嚇短訊，嗰個人已經打咗電話嚟道歉，諗住件事已經完結，依家又發生呢種事，都有啲擔心。」而其經理人回覆說：「可能係人有相似，或者畀人整蠱 ，但我哋又唔排除係TVB工作時影嘅造型或道具相，畀人放上去。」

文：專案組

爆料編號：ireport_00021671