Elanne前晚舉行《My First Show 2010演唱會》，群星好友多角度力撐，除「雙J」陳柏宇（Jason）、林俊傑（JJ）及男子組合Square擔任嘉賓外，老闆林小明、HotCha、鍾舒漫、商天娥等等亦有現身支持，而Jason獨唱時，就有觀眾大叫「動Ｌ」，Jason即打趣說：「話咁易咩？要睇上網睇，今日唔動Ｌ。」而Jason演唱時不慎走音，搞到要向台下觀眾耍冧。

江若琳突然扯甩旗袍，露出性感小蠻腰。

陳柏宇為江若琳抹汗，仲問台下觀眾要唔要條毛巾。

高難度舞蹈

個唱上Elanne以八個不同造型示人，由型格女郎到鄰家女孩，期間更扯掉身上超短旗袍，露出小背心及火辣皮褲大晒曱甴肚，成功完成8分鐘經典快歌加高難度舞蹈挑戰後，Elanne不禁大叫興奮，對之前的「特訓」大呼值得。除此之外，Elanne又炮製感動位，除播出母親深情聲帶及童年照外，更自揭「瘡疤」，播放昔日娘味十足的歌唱片段，並笑言：「如果計YouTube播放率，應該可以攞金曲金獎，今日我面對到自己喇！」

不避忌緋聞

安哥時，Elanne於觀眾席與歌迷及老闆握手，不避忌憶述過去與老闆傳出緋聞，她說：「08年經歷咗一場大風雪，以為自己捱唔到，但今日時間可以證明一切。」

慶功宴上，演唱會之父張耀榮大讚Elanne表現，計劃為她鋪路上紅館，令Elanne笑逐顏開，更言若能攻入紅館或舉行Part 2必定更性感。

Elanne於慶功上再次與老闆握手，自言不會避忌。

放大圖片

文：音樂組