黎耀祥與太太Julia、鄧萃雯、無綫總經理陳志雲（陳總）、陳小寶與陳細潔兩姊妹等前晚盛裝出席慈善晚宴，而祥仔與雯女更是活動的慈善之星，但當晚祥仔身邊卻換上陳總，當記者追問他雯女芳蹤時，陳總竟忽然玩「踢爆」：「我知佢（雯女）成日都call你（祥仔）！」嚇得祥仔急忙澄清：「佢發SMS多啲。」之後即有記者笑指祥仔遭陳總爆大鑊，而祥仔則沒好氣謂：「有幾大鑊呀？」場面搞笑。

黎太翹到實，祥仔冇得甩。

雯女以Agape晚裝亮相，笑言對投資一竅不通。

做義工呻窮

由於晚宴活動與地產有關，記者即追問近期工作量勁多的祥仔有否計劃再置業，豈料祥仔卻「呻窮」：「一層都唔夠（錢買）呀！我做咗好多義工㗎！其實我不嬲投資唔係強項，而且依家都仲供緊一層。」有人提議陳總為祥仔加薪，陳總則笑謂：「要等董事局決定，會爭取！」

而對於張敬軒日前以廣東話接受有線訪問，陳總笑指對方已即時傳短訊向他解釋並致歉，而陳總亦極為體諒謂：「我知佢好自疚，佢太言重喇，我明白佢處境，有傳短訊叫佢唔使擔心。」

至於姍姍來遲的雯女，亦表示不會考慮置業，更笑指自己對投資一竅不通：「我仲有爹哋媽咪要照顧，所以唔可以亂使錢，不過我都想喺北京買層細細哋嘅樓。」

文：影視組