身為環球唱片公司「愛將」的謝安琪（Kay），除缺席《勁歌》頒獎禮改到「好有誠意」的廣州頒獎禮攞獎外，更指「不在乎」及「不介意」《勁歌》賽果。對於張敬軒以廣東話接受有線訪問後感內疚，Kay說：「唔知內疚喺邊？」擺明唔將無綫放在眼內！
昨日Kay出席「大埔健康安全城市運動日」活動。問她為何化濃妝打波？她說因要趕往廣州出席「風尚中國榜頒獎禮」，領取「年度音樂人」獎，才缺席昨晚的《十大勁歌金曲》頒獎禮。
赴「誠意」頒獎禮
問到是否因四大唱片公司和無綫發生「版稅」爭拗才答應到廣州？Kay謂：「一早知，但次序就唔知，但佢（廣州）好有誠意。」再問她缺席《勁歌》感不感可惜？Kay似有弦外之音說：「可唔可以叫（可惜）就唔知，我係一視同仁。（咁你會唔會留意《勁歌》賽果？）我唔在乎、唔介意賽果，我唔計較獎項。」之後她稱睇好容祖兒奪「最受歡迎女歌星」獎。
對於張敬軒漏夜寫blog，為廣東話接受有線訪問感內疚，Kay自言也有用廣東話做訪問，覺得好方便，但就沒有內疚的感覺，她更反問：「唔知內疚喺邊？睇（訪問）嘅人會容易明白。」當Kay得知軒仔內疚是因唔畀面無綫，她堅持謂：「我自己冇咁諗！」
抑鬱傾向已康復
另外，有報道指Kay曾向精神科醫生求診，其抑鬱症現已康復，Kay為此澄清：「我唔係有精神問題，報道誇大咗少少，嗰個只係睇開嘅家庭醫生。」她續說只是有少少抑鬱傾向，但服藥半年後，已如流感般痊愈。
文：音樂組