昨日文龍探望太太期間，特意落樓接受記者訪問，他說：「囡囡仲未改名，心水字有好多，但未有一個滿意，都有搵相士畀意見。可盈康復進展好好。（點獎勵可盈？）未生前已經成日獎勵啦！我呢世仔都冇收過咁大份禮物，個女臨出世前一晚，可盈話佗咗佢九個幾月，好唔捨得ＢＢ離開佢個肚，但我見到個女出世時好感動，覺得好偉大、好神奇，感覺到我、太太、囡囡係三位一體，冇嘢比ＢＢ更重要。呢兩個月唔接劇住，始終我哋兩個都係新手，唔熟點湊ＢＢ。（幾時追番個仔？）睇可盈康復狀況，我都希望生夠兩個。」

問到女兒似誰時，他說：「有人話對眼同個鼻似我，嘴就似媽咪。」林文龍坦言無時無刻都想見到女兒。

阿Ｂ探妻女

此外，鍾鎮濤（阿Ｂ）昨日與囡囡鍾懿現身養和醫院探望范姜及新生女兒，阿Ｂ講起囡囡時喜上眉梢：「范姜可以落地，但要餵人奶，飲食要注意，囡囡仲未改名，會搵相士幫手，而我同鍾懿合唱嗰隻歌，遲啲會拍ＭＶ，以留作紀念。」

文：影視組