快將兩歲半的Lucas，本月初已正式入讀學前班，經兩周特訓，Lucas已由開學初期的苦瓜乾面口，變得笑容滿面。專心養胎的栢芝，前日安排兩名工人到學校接Lucas放學，臨走前他更醒目地與兩名外籍女同學Say Bye，十分可愛！
張栢芝自07年8月為謝霆鋒誕下寶貝仔謝振軒（Lucas），隨即淡出幕前，專心相夫教子，霆鋒則密密接戲搵錢。「鋒芝」幾經努力下，栢芝現已懷有五個多月身孕，腹中塊肉亦已證實是B仔。由於栢芝近期要安心養胎，故連Lucas月初開學亦沒有親自陪伴。
腳踏名牌小波鞋
前日早上九時，Lucas由工人陪同下乘的士離開赤柱寓所，前往位於大潭紅山商場的南區星級學前幼兒園Sunshine House International Pre-School返學。穿上黑色羽絨、藍色運動褲、adidas波鞋的Lucas，手持一架黃色玩具跑車，乖巧地拖着工人乘扶手電梯進入學校上課。
不捨外籍女同學
至中午12時許，栢芝專程安排兩名工人接Lucas放學，Lucas乖乖孭起書包，由工人抱着步出，臨走前Lucas依依不捨向前面的兩名外籍女同學揚手Say Bye，跟開學初期完全兩個表情！三人乘的士回到寓所門前，工人小心翼翼抱Lucas落車，左手拿着半個麵包、右手仍拿着玩具車仔的Lucas，得知就快見到媽咪栢芝，落車後即笑到見牙唔見眼，十分可愛，最後工人拖住Lucas進入屋苑，完成快樂的上學日。
文、攝：追蹤組