【譚倩宜東莞直擊】黎耀祥昨日與太太跟隨其代言的纖體美容集團MENCE，到東莞橫瀝鎮隔坑市探訪民工子女的生活狀況。坦言首次到內地進行探訪的祥仔，甫到當地即受到民眾熱烈歡迎，一班受惠學童除了為祥仔送上自製的紙花外，更以一首手語歌以表對眾善長的謝意，令坐在嘉賓席上的祥仔感動得眼泛淚光。

小fans激動嚎哭

另一名受惠的小妹妹亦在眾嘉賓前說出受惠感受，祥仔得悉其辛酸及奮鬥經歷後，即再次熱淚盈眶；而為表支持眾學童，祥仔在場大派餅乾，期間一名小fans看到祥仔真人時，竟不敢相信眼前一切，激動得當場嚎哭，嚇得祥仔不知所措，場面甚為搞笑。

祥仔兒子向來為他充當攝影師，不過昨日因要上學關係而未能同行，改由太太拍攝整個探訪過程，事後祥仔笑謂：「太太已經影低晒，返香港會畀番囝囝睇，等佢知道自己有幾幸福！」

黎耀祥太太充當攝影師，拍下整個探訪過程。

黎耀祥喜見一班小朋友凝神貫注填顏色。

佩服對生命堅持

對於首次探訪，祥仔坦言好感動：「都知道佢哋嘅生活唔係太好，但就好佩服佢哋對生命嘅堅持。」祥仔又指希望未來可多做這種探訪的活動：「有時間嘅，只要幫到人，邊個機構叫我都會支持，希望可以用自己小小知名度，去令大家更關注呢班低下階層！」