戀愛大過天的袁小曼，自被爆出與地產代理CEO廖偉強撻着兼共賦同居後，不理輿論及負面報道，繼續與「老公仔」廖偉強「雙宿雙棲」。但廖太卻為此而激到瞓醫院，身心俱疲的她似乎心死，對廖偉強再娶，其胞姊梁小姐說：「佢（指袁小曼）要嘅咪攞去囉，我個妹唔恨啦，但求佢（指廖偉強）唔好再返嚟激我個妹！」

去年九月搬離

傷在妹身痛在姊心，梁小姐坦言廖太性格太善良：「我個妹一直忍，忍到日日喊，食乜嘔乜，依家瞓醫院，吊鹽水，落床都冇力，瘦到不似人形，50kg都冇，醫生唔畀佢出院，（廖太讓愛？）呢個人（指廖偉強）冇用，唔好以為好馨香，輿論係點大家睇到，佢話已經辦離婚？講大話，佢話09年初已分居，其實佢09年9月先搬離貝沙灣，呢件事佢兩個仔都知，我哋係斯文人，唔係潑婦罵街。」

同等價錢售樓

雖則廖太心死，但作為其朋友仍忿忿不平。昨日一位不願透露姓名的廖太友人爆料，指廖偉強05年2月買入北角御皇臺一個單位，再在短時間內轉售一名叫李嘉華之女子，當年此事更激到廖太嘔血。

記者就爆料者提供的資料，於田土廳查獲廖偉強的確在05年2月21日，以二百四十多萬元購入御皇臺一個單位，並於同年3月2日，以同等價錢轉賣予登記名為李嘉華（JUNE），在不足兩星期以同等價錢轉手，行內人稱情況特殊，地產界人士指出，一般以炒家身份作樓盤買賣，帳面通常顯示賺或蝕，惟這種同價轉手，實屬少有，而文件上顯示，該單位於07年11月以二百七十八萬售出，李嘉華帳面獲利三十六萬多元。直至截稿前，本報仍未與當事人取得聯絡。

文：影視組