近期在香港鮮有露面的李逸朗(Don)，原來已靜靜在內地起革命，在短短半年間除了密密賺人仔外，最緊要是吸納了一班內地Fans！
雖然Don最近很少在香港蒲頭，不過因為在內地拍劇的關係，他的知名度反而大增，他表示只是在北京逗留半年，已令不少內地Fans認識自己，他透露將會籌備全新國語專輯，實行完全攻陷內地市場。
普通話進步
問到是否喜歡賺人仔？Don笑說：「唔只鍾意賺人民幣，我仲好鍾意內地文化及風氣。」Don自言希望可以開拓內地市場，令事業創另一個高峰：「希望可以做到！睇吓內地啲觀眾喜唔喜歡我，首次喺內地拍劇，工作模式真係好唔同。」問到普通話是否突飛猛進？他說：「哈哈！都係，因為拍劇全部都用普通話，都有啲進步！」
拍劇十粒鐘
離開香港有得必有失，問會否擔心被香港Fans淡忘？他說：「我諗唔會，我喺內地有開Blog，香港Fans都有留言支持我！」反觀Don吸納了不少內地Fans，但他卻謙虛地說：「佢哋唔可以係我Fans，只可以話係識咗嘅朋友，始終我喺內地嘅知名度有限！」Don又表示當時初到貴境，人生路不熟，令他感到不習慣：「屋企人喺香港，又唔習慣北京太凍嘅天氣，有時真係喪叫救命，我每日拍劇十小時，要顧住演戲，又要講普通話，壓力都幾大。」雖然Don已經回港，但他仍回味在內地拍劇的日子，問到有沒有艷遇？他說：「冇呀，因為要投入工作！」
文：專案組
攝：司徒國榮