由許志安、Edmond、Dicky和蘇永康組成的BIG FOUR，昨日在毛毛細雨下坐開篷車為3月個唱造勢，宣布預售爆滿加開1場，四子以器官互相形容，Dicky指安仔是腎：「男人嘅腎好重要，冇咗就虧。」安仔就笑Edmond是肋骨，還封他做「骨精文」，Edmond則指Dicky是口，乃BIG FOUR的大腦，Dicky反問：「話我講嘢唔經大腦？」爆笑連場。

BIG FOUR在台上互相取笑，「出賣」友誼。

四子揸槍射爆氣球，象徵演唱會場場爆滿。

逢場作戲冇所謂

Dicky還自爆為演唱會犧牲了老婆：「幾個月唔可以返北京，犧牲咗夫妻生活。」記者笑他幾個月冇得「造人」，安仔仲抵死問：「使唔使離婚？」Dicky淡定說：「考我定力，冇法，做運動發洩精力。」安仔即慫恿：「逢場作戲冇所謂。」Dicky急忙說：「冇冇冇，老婆會度期嚟探我，仲會煲湯畀我飲。」擺出一副老婆奴樣。

安仔訂飛釀家變

對於演唱會優先訂飛火速爆滿，四子坦言是意料之外，還欠下周身飛債，康仔說：「我訂咗百張飛，依家要cut飛，唔敢接朋友電話，損失咗友誼。」安仔更為了訂飛問題發生「家變」；而他們邀請了吳國敬做嘉賓，以行動澄清反面傳聞。

採訪：音樂組