王秀琳（Mango）自從於「城嫂」爭奪戰大敗而回後，感情一直未有着落。雖然她自爆有追求者，但一直只聞樓梯響，直至日前Mango低調遊走中環名店揀男裝，春風滿面的她似乎正沐浴愛河！
Mango的感情生活一直多姿多采，繼跟郭富城遊車河而一夜成名後，最近又先後跟內地演員黃曉明及老闆曾文能傳出霧水情緣，但Mango一如以往連聲否認，只表示有一名追求者。而日前本報發現Mango於中環名店選購男裝，似乎覓得新對象。
花四位數買恤衫
當日Mango戴上黑超加冷帽，跟助手到中環名店Shopping。Mango面對不少名店大減價竟不為所動，反而一個箭步衝入連卡佛的男裝部掃貨，不停睇新款的西裝褸，又邊睇邊問助手意見，最後花二千多元買下一件淺藍色直間恤衫。
Mango隨後到飾物部睇呔夾，期間發現記者偷拍，即冇癮埋單離開。記者上前追問Mango會否為城城準備新年賀禮？Mango微笑拋下一句：「唔答呢啲嘢！」就搭𨋢離開。
冇單獨約曾文能
事後致電Mango追問恤衫所屬何人，她說：「買畀公司同事，（老闆曾文能？）總之係公司同事啦，（冧掂老闆？）佢係公司其中一個投資者，我做員工出席公司活動都好正常吖，當日根本唔只得我同佢，大家太敏感喇。」
採訪：音樂組