謝賢（四哥）、韓君婷等出席藥品推廣活動，問到新抱張栢芝證實再懷男嬰，四哥直言開心，笑指不用特別準備，小孫仔可以執大佬Lucas的衫仔穿，更說：「栢芝仲會生落去嘛，佢話要生４、５個，個個人都係咁啦，有仔又想要女，我依家無女（朋友）都想要女呀！」直言最錫栢芝，會獎勵她生多幾個。至於女兒婷婷表示想一家人合作拍戲，四哥笑言只要一日未死都有機會。
同場的韓君婷被發現火柴人身形再現，她否認暴瘦：「咁多年都係咁上下，呢排返咗新加坡幫屋企做生意，你哋少見我啫。」韓君婷表示至今未找到真命天子，但自己不心急，媽媽亦沒有催婚，更透露過往曾經有多名男士求婚，卻一一被她拒絕，並說：「無後悔，我個人好堅持，又唔急嘅。」
