10/01/2010

播放本新聞相關短片

Mr.送MJ入院遲大到

樂隊Mr.昨日出席活動竟遲到45分鐘，要記者呆等，四子甫落車先與歌迷「吹水」，接住施施然過馬路行入會場，知衰的他們即場耍冧，成員Alan說：「因為MJ唔舒服，所以車咗佢去醫院睇醫生，對唔住，唔好意思。佢塊面紫晒，加上又畫咗眼線，真係好恐怖，所以車佢去醫院先。（點解你哋唔跳車？）有咁諗，不過好塞車，因為近隧道口。」

另一方面，環球唱片發言人指MJ經醫生診斷是感冒菌入腸：「佢已經返咗屋企休息。（影響工作？）要睇佢病情再作打算。」