黎耀祥、毛舜筠（毛毛）、鄭欣宜、謝雪心、陳茵媺等《畢打自己人》演員，昨日在中環拍攝煞科戲，一齊在街頭唱歌跳舞，吸引大批巿民圍觀，就連高層曾勵珍（珍姐）亦有到場探班，場面熱鬧。其中日前因耳水不平衡而不適的祥仔，繼續帶病上陣，見他沒神沒氣，事後拍檔毛毛笑指祥仔一放假就病，又表示羨慕祥仔有個好老婆廿四小時陪伴在側。
毛毛指《畢》劇拍攝年多以來，與其他藝人合作開心，她說：「好唔捨得，因為今次拍攝真係悲喜交集。（忙完之後有咩做？）成年冇放過假，放假梗係去旅行。（會唔會再拍劇？）祥仔拍我先拍，其實都有傾緊。（有報道話無綫好刻薄？）吓，唔係吖，對我哋兩個（同祥仔）都唔錯。」
珍姐透露五月會再用原班人馬開拍處境劇，她說：「係咪搵毛毛？傾緊，佢話做咁多年，呢個班底係佢最珍惜，個個都好乖、冇人遲到，好想再合作。（佢話有祥仔先拍？）佢講笑，不過會完成佢願望。」