黃佩霞、羽翹、林建名等前晚出席積架新車發布酒會，黃佩霞自言是安全駕駛者，但早前有告票寄到家中，始發現原來老公在元旦當天駕車超速，她說：「老公依家唔喺香港，所以扭唔到佢耳仔，身為父母更要注意安全，如果唔係小朋友好慘。」
林建名則笑言車同女都鍾意，愈多愈好。問到旗下藝人Yumi是否已走出雪櫃，他說：「依家無雪藏，我都覺得其現任男友唔錯，做家長嘅都希望細路好。（怕唔怕影響工作？）我已警告佢，工作還工作，感情留番回家。」至於近期又有o靚模吸毒，他會否擔心？林建名說：「都驚，唔單止呢啲仔女，自己仔女都驚，所以一直有提醒佢哋，好彩佢哋都唔係好食煙，做家長好難，要不停提示。」
