學友昨日出席聯合國「殘疾人權利公約」戲劇系列之《沒有牆的世界》啟播儀式，同場還有朱茵、楊愛瑾（Miki）、盧海鵬、張達明等。五年沒有出廣東碟的學友，本月底發行新碟，四大唱片公司組成的HKRIA與無綫掀起版稅風波，雖然學友跟無綫沒有合約，身為唱片公司一分子的他曾向公司作出了解，他說：「公司話無綫冇得傾，咁都冇法。」

楊愛瑾（左）與朱茵的打扮十分近似。

學友、Miki昨日同出席活動。

互惠合作

學友直指唱片公司跟電視台是互惠合作，權利與義務是相對的，現今無綫的音樂性節目不夠，他說：「變咗乜世界都唔知，佢哋好少資源畀歌手，但對歌手好多要求，唔係幾公平，頒獎禮我都講到口臭，公唔公平都算，當係一個遊戲，歌手簽得畀佢哋，都應該畀多啲支持，唔好下下話晒事，封殺呢個嗰個，口脗都要改。」學友形容今次只是導火線，衝突遲早發生。

打破壟斷

對四大唱片公司轉跟有線、亞視洽談播放MV事宜，學友說：「都要搵出路，MV喺唔同電視台播，對歌手有利。（打破無綫壟斷？）都可能，傾都冇得傾就封殺人，好好笑，做乜先得㗎？唔係淨係一個台，音樂多人聽到好啲。」但他未收到通知會否亮相其他電視台宣傳。

邵氏開拍的電影《72家租客》有指演員收不足片酬，學友坦言有收足，他沒有加價亦冇減價，有無綫演員只得利是作報酬，學友則說：「佢哋幫公司做嘢，我冇收無綫人工，我知個個有收錢，但幾多唔知，公唔公平係佢哋自己認為，我OK。」

文：音樂組