岑潔儀被問會否與陶喆飲台式飲料時表示：「下次佢嚟香港，我介紹畀佢，不過可能佢都知有呢間店，我同佢冇乜聯絡，佢忙緊個唱綵排嘛，我會去睇騷㗎！（做乜着得咁性感？）我知高海寧做嘉賓咪咁着囉！（但你唔夠佢撼？）佢上圍好豐滿，直頭大過我個頭，我想問佢心得。（隆胸反擊？）唔會，我想減肥，着衫會好睇啲！」

恨拍內衣廣告

高海寧在tube dress襯托下身材更見呼之欲出，她解釋無份在活動上剪綵的原因：「由公司安排，剪同唔剪價錢有別。（近排多咗job？）係，好滿意，keep住就good，遲啲同曹永廉拍劇演情婦，（激情戲？）未知，我諗都係攬攬錫錫，依家最想接廣告，乜產品都得。（內衣？）公司OK我就OK。（唔尷尬？）尷呀！但公司OK先係最重要。」

文：影視組