移居上海的羅霖聖誕期間舉家返港，前晚她出席護膚品活動，向來保養有道的她，重提當年以廿四歲之齡參加選美，卻被十八、九歲的佳麗踩「老餅」：「我嗰時係大熱門，點知有個佳麗喺我身邊大聲叫我老餅，好彩我當時EQ高。（邊位佳麗？）你哋唔識，總之係入選頭廿名嘅，已經冇喺呢個圈，當年話我老餅嘅，如果依家同我比，我諗我有信心靚過佢！」她說五十歲後也許會考慮整容，現時只可接受激光去眼袋，又說有朋友整容上癮，樣貌已變成另一個人。