潮媽徐濠縈的愛女陳康堤（包包）成功考入名校，阿徐笑到見牙唔見眼，相反，老公陳奕迅在叱咤摘金，阿徐卻表現平淡，以「都係咁」形容心情，更不諱言：「我諗佢都攞到麻木。」
昨日，SK-II舉行30周年午宴聚會，城中潮人如徐濠縈、黃偉文（Wyman）、名媛邱李茂琪（Margaret），以及任達華和琦琦都被邀出席。悉心打扮到場的阿徐首度公開表示愛女包包成功考入名校拔萃女小學，被問到琦琦的囡囡Ella是否同樣考入該校？阿徐未有回答，相當口密，僅說：「之前讀同一間幼稚園嘅同學都升到。」
囡囡考入名校
為了保護包包，阿徐強調不喜歡狗仔隊在學校門口採訪，她說：「始終對小朋友都唔係咁好。」阿徐又謂小朋友讀本地學校會特別辛苦，但見包包放學後自動自覺做功課，她也感到十分高興。
另外，談到Eason在叱咤攞了多個獎項，她的心情如何？阿徐表現淡然：「心情都係咁啦，我諗佢都攞到麻木，攞獎都有政治嘢嘅。」被問到是否女兒考入名校更值得高興時，阿徐笑得開懷：「嗰個係我嘅人生大事。」其後阿徐被問到會否計劃生多個BB，她坦言：「等囡囡今年入咗小學先諗，完成第一個階段先。」
Wyman着古董衫
畫了一幅油畫送給大會的邱李茂琪受訪時被發現聲沙沙，原來她的聲帶受傷，她說：「醫生話四、五日會好番，但係已經第八日喇，可能要開刀喇！」而Wyman則穿了一襲於八十年代十分流行的Kansai Yamamoto古董冷衫亮相，他說：「84年狄波拉都有着嘅，我今日同1984年嘅狄波拉睇齊。」Wyman更透露古董冷衫是好友何超儀在LA買給他的生日禮物。
有此一著
徐濠縈穿上一襲今年流行的連身褲，最特別的是其斜肩設計，而且連身褲採用絲絨皮料，裁剪有道，即使腰間束上腰帶都沒有肥腫的感覺。
文：名人組