近年多接拍沉重角色的周潤發，揚言欲拍談情說愛電影輕鬆一番，女角心水人選為老拍檔鍾楚紅，他倆的《秋天的童話》已成港片經典，奈何紅姑已息影，幸而煮菜、煲湯相當耍家，發哥笑言有意改找紅姑做阿四。
發哥、杜琪峯昨日出席「鮮浪潮2010——本地競賽部份」記者會，兩位老友難得碰頭，不忘在台上妙語連珠一番，身為發起人的阿杜，笑言多得發哥這五年來的支持，否則政府看不見該項目成績，發哥聞言即說：「唔好喺度擦鞋，講要講嘅嘢啦！」及後阿杜呼籲入圍的參賽者要保持創意，千萬不要抄、不要老是以學校、男女之間故事為題材，發哥聽後再說：「依家電影、音樂都係咁，邊啲收得就拍。」阿杜承認現實如此，但某程度要技術多點，拍商業片也要堅持原創意念。
睇好法拉上位
談到再結片緣大計，發哥自言一直等阿杜的劇本，雖然計劃今年與太太一起休息，但一切視乎阿杜劇本進度而定，最想拍輕鬆談情說愛片，女角人選發哥直認鍾意鍾楚紅：「不過佢退隱唔拍得，咪搵佢做阿四囉，佢煮餸、煲湯好叻嘛！」至於新一代演員中，發哥睇好無綫小花陳法拉，更謂：「都冇咩邊個啦！」即將為新片《孔子》宣傳的他，已聽過王菲為該片灌錄的主題曲《幽蘭操》，大讚非常動聽，王菲稍後會開個唱，發哥說會捧場。
阿杜嘲年紀大
阿杜則透露與發哥合作的電影尚在籌備中，今年將開拍，對發哥想拍談情片，阿杜聞言笑謂：「談情？咁大年紀……都得嘅！」又說之前已有個劇本，後來覺得不太適合他，加上發哥拍的多是壓力重的戲，才希望輕鬆點，至於發哥是否收友情價，阿杜說未有考慮此問題。
文：影視組