向來鮮有以性感形象示人的華姐冠軍苟芸慧，前晚出席活動時竟穿上開胸Deep V晚裝，露出東西半球，令人噴血。她表示是選美之外首次在公眾場合穿得如此性感，感到有點尷尬，而長腳蟹呂慧儀亦同樣低V露背上陣，令人眼前一亮。
09年中華小姐冠軍兼有「翻版林熙蕾」之稱的苟芸慧，以及06年港姐季軍、有「長腳蟹」之稱的呂慧儀，前晚同以性感Deep V晚裝出席軒尼詩酒會，兩人冒着寒風以嬌軀抵禦低溫，盡展誘人身材。而苟芸慧所穿晚裝屬超開胸Deep V款式，露出東西半球，性感程度明顯勝一籌。加上她平日打扮密實，這晚露半球即予人驚喜。其實華姐確是藏了不少有料之人，她的師姐葉璇、陳法拉和廖碧兒就不時以性感女神姿態現身。
咁大個女第一次
呂慧儀被記者指「峰」頭不及苟芸慧時，她即大讚對方漂亮，並大方地表示：「無話贏定輸，大會話要高貴，所以我就搵設計師做咗呢件晚裝。不過今晚好凍，我貼咗四個暖包喺入面，所以都唔可以太性感，否則冇位貼暖包。」
而苟芸慧亦貼了一個暖包，問她少在人前穿得如此少布可會感到尷尬，她說：「都有少少，因為仲未習慣，除咗選美之外，呢次係我咁大個女第一次喺公眾場合着得咁性感。第一次着呢件衫都驚走光，所以做足安全措施。」此時在旁的呂慧儀就笑說：「我頭先見到有個Supervisor圍住佢貼膠紙，好安全。我自己都有做足防走光措施。」
冇遇醉男手多多
兩位靚女談到酒量時，她們都表示只是一般，至於可曾被男士借醉行兇毛手毛腳，呂慧儀說：「我次次都會喺人哋飲醉前離開，所以唔會遇到呢啲情況。（會唔會接受男友拎酒畀你飲？）識嘅就可以，男性朋友畀我OK，陌生人就一定唔會飲。」苟芸慧則只會和女性友人喝酒或在家裏喝酒，故不會遇上以上的情況，而前晚同場的還有名媛趙金卿。
文：名人組