兼職o靚模Monique去年九月被揭發在就讀的學校校園內管有俗稱「Ｋ仔」的危險藥物氯胺酮，早前承認控罪，被法庭判接受感化十二個月。Monique聽取判刑後，雖已第一時間開記者會兼六十度鞠躬向公眾道歉，不過外間反應一般，有網友認為她欠缺誠意；而Monique則一直避開傳媒，連日來留在家中靜思己過，連早前最新修讀的課程都沒有去上，繼續做「逃學o靚模」。

下周重返校園

至昨日傍晚約六時半，Monique終於再度在blog上「現身」，她以「I'm OK.」為題向關心她的人報平安，她說：「一月五日後，不斷有好多不同的人、朋友ＳＭＳ和致電給我，我在這裏給你們報個平安，多謝你們關心。I'm OK. don't worry.」她表示會繼續上學，最重要是預備會考，其次是積極參加禁毒活動。據知Monique已準備在二月尾出席社區中心舉辦的禁毒活動，屆時希望能上台唱歌。

早前陪住Monique開記者會的Karl一直與Monique緊密聯絡，他透露Monique將於下周一會重返校園，起初亦擔心同學會戴有色眼鏡，他說：「佢之前都有諗過，最初連父母都擔心做多咗（開記者會），但講完之後反而鬆一口氣，同學仔仲讚佢勇敢，佢都自知錯咗就要認，如果收埋唔講就一世難以抬起頭做人。」

問到是否出席禁毒活動？Karl說：「原本一月份都有一個，但佢覺得太快，自己心情未調節到，依家打算出席二月尾另一個社區中心禁毒活動，未落實，但佢好願意去做，因為佢想上台唱，好有心喺呢行發展。」他表示Monique原本有一個髮型硬照廣告及夏季系列時裝廣告，但因藏毒事件告吹。

每日以淚洗面

Karl又透露Monique雖然沒有輕生的念頭，但每日以淚洗面，現在已誠心改過，問到是否已戒除毒癮？他反應甚大說：「一直都冇毒癮，佢話只係食過一次，如果有，感化官都叫佢去戒毒中心啦，之前四次驗尿結果都冇事。依家佢每日同感化官聯絡，但暫時唔見佢。」

文：專案組