問到陳寶珠是次演出可會考慮加場？她說：「一月十一日先正式賣飛，到時睇吓反應先啦，但係紅館啲期好密，都冇乜得加喇，到時反應好先再申請啦！」陳寶珠自言是首個於紅館舉行粵劇的藝人，她笑謂：「之前都冇人試過喺紅館演出粵劇，所以我係開荒牛，今次試開三面台總共七千個位，試過如果反應好以後大家就多個地方做粵劇！」陳寶珠又指現時多了市民留意粵劇，特別是年輕一輩的觀眾，故她笑言會繼續演下去。