吳鎮宇涉傷人案正在保釋候查中，昨日有報道指警方就事件調查所得的情況，決把原定的「襲擊傷人」轉為「嚴重傷人」案處理，記者昨致電鎮宇求證，他否認指控升級，直指報道全屬虛構，日內將發律師信予有關方面以正視聽。
絕冇掌摑人
正於西貢寓所照顧受傷太太的鎮宇，昨日對於被指加重指控大表無奈，為免再傳出不同版本影響案情，與律師商量過後，決定向有關方面發律師信。
鎮宇謂：「第一，案件到依家為止，絕對冇任何升級同降級嘅控告，有嘅話警方會出示公文，如果發放消息者有嘅話，我都好希望佢拎出嚟畀我睇；第二，我澄清絕對冇掌摑對方。」
放狗惹是非
此外，昨日有讀者報料，指上月23日與太太遇見鎮宇夫婦放狗，期間見鎮宇愛犬四圍便溺，於是跟太太竊竊私語，沒料鎮宇聞言即向他們高舉粗口手勢，鎮宇對此表示：「我啲狗都送晒畀人，得番一隻唔會周圍帶佢出去，如果我做粗口手勢點解唔影相？不過我真係唔太記得當日做過啲咩！太耐啦！」
文：影視組